كورس العنايه بالشعر ج7

الحلقة ده عباره عن ملخص لما سبق علشان محدش يتوع مني ونركز في اللي جاي مع بعض
السلام عليكم جميعا

طبعا انا نفسي تكونوا كلكم ملتزمين ولو يايدي اعمل حاجه تفكركم اكتر من اللي بعمله كنت عملت

نفسي فعلا متكسلوش


انا شايقه ناس جميله ملتزمة جدا زي dodo fr وريموش وعصفورة اسكندريه وبنوتة رايقه وام مازن وesso2

و فينوس القمر وام صهيب و o.m 2009 و حبيبة عمرها و الباقي لسه مش راكز في دماغي عايزة احفظكم كلكم

باذن الله

واللي مزعلني ان كل ما ادخل الموضوع الاقي سته او سيعه متواجدات ويخرجوا من غير اي كومنت طيب ليه تفاعلوا معانا علشان تستفيدوا وتتنشطوا ومتكسلوش اكيد اللي جوا الموضوع مش زي اللي بيقرا ويخرج

بلاش انتي شفتي الموضوع خلاص طيب ردي علشان يترفع وغيرك يشوفه وتاخدي ثواب

الموضوع لما بيخلص بيجيلي كم رسايل غير عادي من ناس كان نفسها تشوف الموضوع وماشفتوش

عدد المشاهدات يوميا 1500 وعدد المشاركات لا يتعدى 50 واضح طبعا الفرق لا تعليق

عموما انا قلت اللي عندي وانتم وضميركم انا مش هتفرق معايا يالعكس ده هيزود اعبائي لس انا بعمل الموضوع وانا عايزة افيد اكبر عدد ممكن

نبدا يسم الله الملخص علشان اللي عايز نقط واضحة وصريحه لما سبق شرحه بالتفصيل الجميل طبعا مش ممل

1- تحليل الانيميا لانها من اهم اسباب التساقط وضعف الشعر اذا النتيجه اعلى من 12 خلاص تمام مفيش داعي لدواء الحديد
واذا بين 11 و12 لازم نهتم جدا بالاغذيه الغنيه بالحديد وممكن ناخد دواء حديد كمان يساعد
واذا النتيجه اقل من 11 لازم دواء واهتمام بالاغذيه اللي هقولها


الاطعمه الغنيه بالحديد وحمض الفوليك

اللحوم والبيض والاسماك
كورن فلكس غنيه بالحديد
الخضروات الورقيه : الجرجير والسبانخ والخس والبقدونس
الفول السوداني وزبده الفول السوداني
المشمش والتين المجفف
الفول والعدس واللوبيا والبسله والفاصوليا

الاطعمه الغنيه بفيتامينC اللي بيساعد على امتصاص الحديد

الفراولة المانجو الكيوي
البرتقال اليوسفي الليمون
الطماطم الفلفل الخضر والاحمر

بعض المشروبات مهمه جدا للعلاج من الانيميا
1- عصير الطماطم محلى بالعسل على الريق
2- بلح منقوع من بالليل في لبن على الريق
السنة سبع تمرات
3- الينسون والنعناع قبل الغداء والعشاء
4- الحلبه وتاكلي الحصا بتاعها يااااااااااااااه على الاستفاده يااااااااااااااااااااه
طبعا كل واحد يثبت لنفسه حاجه منهم علشان متحيروش نفسكم
انا مش هلزمكم بحاجه منهم بس منتظرة ردودكم كل واحده تقولي هتعمل ايه بالضبط
نيجي للعلاج الدوائي
طبعا الانواع كتيييييييير جدا


2 - التسريح يمشط او فرشاه مش بلاستيك ولا حديد علشان بيسبب تقصف الشعر نتيجه للشحنات لازم خشي او عضم او عاج ولو الشعر مبلول يستخدم البلاستيك عادي

3- طريقة تسليك الشعر تحت اولا وانتي طالعه لغايه فوق ولازم نسرح شعرنا مرتين يوميا على الاقل مرة منهم تكون يالطريقه الاتيه : هتقسميه اربع اقسام و هتسرحيه من فوق من الجذور للاطراف كل قسم لوحده حوالي 30 مرة برفق جدا

بكده انتب بتنقلي الزيوت المفيدة جدا اللي بتفرزها فروة الراس وبتوزعيها على الشعر علشان يطرى

وكمان بتحفزي الفروة انها تفرز زيوت اكتر


4 - غسل الشعر بطريقه صح : تسريحه قبل غسله تخفيف الشامبو في كوب بلاستيك قبل وضعه على الشعر بقلي الراس للامام ويضع الشمبو على الشعر وليس على قمة الرس والفروة كما هو معتاد الماء فاتر يقضل شامبو طبي اي ماركة بروتي كير او هير ستابيل او لونا وبعده بلسم او حمام كريم كل واحد له طريقة استعمال مكتوية عليه او ماسك زي ecrinal بس ده علاجي بيستخدم مرة اسبوعيا لمدة شهر فقط

ننشف يالفوطة يرفق ونسيبه عشر دقايق ونسرح برفق في اضيق الحدود لانه الشعر بيكون في اضعف حالاته




5 - شرب 8 اكواب ماء يوميا ونثبيت مواعيدهم بعد الصلوات علشان مننساش مهم جدا جدا

6 - القشرة عدو لدود للشعر احذريه واقضي عليها في اسرع وقت قبل ما تدمر شعرك طبعا هنفسل شعرنا باي شامبو وبهده شامبو نيزورال على الفروة فقط كميه صغيرة ونسيبه خمس دقاسق ونشطفه نغسل ادواتنا يوميا ونغير الايشارب و اكياس المخدات لانها معدية