كورس العنايه بالشعر ج5

الحلقه الخامسه
الحلقة السادسه

بسم الله الرحمن الرحيم

الحلقه ده عباره عن اجابة لاستفساراتكم مجمعه لان لما بجاوي على المشاركات اقتباس مش بتعرفوا تلاقو الرد
كده هيكون افضل ليكم

اولا بشكر كل الناس اللي متابعه واللي شكرتني انا اللي بشكركم لذوقكم سامحوني اني مش قادرة اشكركم كل باسمه

ام بلال كويس انك وضحتي ان حنة الفرد بتوقع الشعر علشان انا شايفه عليها اقبال غير عادي من الفتوكات
يا جماعه اي فرد بيضر الشعر وهنرجع نندم طالما بيقع جامد كده متسريحوهوش كتير دلوقتي بعد ما نعالج التساقط باذن الله

الاسلام ديني هعمل حلقه عن الاهتمام بشعر الاطفال باذن الله

سوسو الشعر الصغير ده تقصيف

so11 منورة وربنا يتمم بخير يا قمر صبغة كوليستون ولوريال حلوة وبعد كده هتعملي الاماكن اللي فيها ابيض بس
اه طبعا الكيراتين افضل حل لو عايزة شعرك مفرود اهم شيء تكوني ضامنه الخبيره انها بتستعمل نوع اصلي وفاهمه طبيعه الشعر
شايفاكي عايزة تتقلي شعرك ده مع الوقت مش بسرعه
ولو شعرك خفيف اوي لو فردتيه بالكيراتين هيبان اقل في التقل علشان ش هيكون هايش فاهماني يعني لو عاجبك شكله ده تعمليه كيرلي مثلا وتسشوري القصه وطبعا انتي ادرى باحتياجاتك بس انا من واجبي اوضح للعميله كل الجوانب علشان مترجعش تندم فاهماني


قطة على نار الرضاعه لازم غذاء وفيتامينات كويس اوي اهتمي بالخضار والغذاء مع باقي النصائح

ضياء الليل اوك اعملي الخلطه اللي قلت عليها وبلسم جونسون اوك قصي الاطراف سواء ديجراديه او اي شكل ده بحريتك

ايمي والحب تابعينا يا قمر مفيش حبوب هتجيب نتيجه لوحدها

صمتي حكمتي بتقولي نفسنا نشوف شعرك على الوصفات الحلوة ده انا بس عايزة اوضح نقطه انا مش بقول تجربتي مع شعري انا متخصصه يا جماعه صيدلانيه من جهه وتخصصت في التجميل من جهه اخرى وبشتغل في العنايه بالشعر واخدت دورات وعملت ابحاث واللي بقوله مش تجربه انا بتكلم عن جميع انواع الشعر عن خبراتي في شغلي

emey4 الكورس بحط حلقاته في لينكات في المقدمه لسهوله وصولكم ليها

الزيت غلط للي شعره دهني وليس للي عنده قشره في فرق واضح


وحشتووووووووووووني اوى يا هدهد

زيت جدايل حلو يا دكتورة منه

العصفورة الحزينه منورة عايزين التزام المرة ده يا قمر

حبيبة عمرها منورة يا قمر وشكرا على تجربتك المميزة مع الحنه يا جماعه اللي عايز يعرف الحنه بتتعمل ازاي يسال خبيبة عمرها مراقبة قسم البشرة او يشوف موضوعها اللي بيتكلم عن الحنه

الله رقيب علي نشفان الشعر ده امره سهل البلسم او حمام الكريم هيقضي على المشكله ده خالص المهم نوقف القشرة في الشتا فعلا بتيجي لناس كتير

طبعا يا ام صهيب نيزورال بيتساب خمس دقايق على الفروة مش الشعر خلوا بالكم

محجبة 11 حاضر هعمل حلقه عن انواع الشعر يا قمر

لا يا اسو متنسيش الماء لانه سر الحياه ومهم جدا لصحة الشعر والبشرة

الموحده هجاوب اسئلتك :
اوك شامبو وبلسم جونسون حلو
عايزة وصفات طبيعيه علشان شايفه ان حمام الكريم كيماويات ؟ لا مش تمام حمام الكريم علاج للشعر مدروس بابحاث ونتائج مضمونه على الشعر اخترعوه صيادله عارفين بيعملوا ايه كويس يعني متقلقيش خالص خالص وعموما هقول وصفات طبيعيه بردو
طبعا الشعر محتاج كريم ترطيب مهما عملتي من حمام زيت حمام الزيت وظيفته يغذي مش يطري كل وصفه بيكون ليها فائده محدده للشعر

دكتورة منه تابعي معانا يا قمر هيتحسن باذن الله
دايما الامام هو الجزء المرهق في الشعر وده شيء واضح ليه والصبغه طبعا تعبته بالذات لو حطيتي تشقير ؟؟؟ لازم قص طالما مقصف

طبعا يا جد الشعر هيرجع باذن الله بس محتاج وقت وصبر مش في شهور لا سنين

زهرة ريحان التسريح بيختلف من شحص للتاني حيب اللي يريحك وحسب طبيعة شعرك هتكلم بردو بالتفصيل عن الموضوع ده

كادبوري ازيك وحشتني حمد لله على سلامتك يا قمر ربنا يقويكي

القطة المتزوجه مسمعتش حلقه دكتور عاصم في انواع كتير من الامبولات هو قال اسمها او تركيبها او اي حاجه مميزة ليها


O.M2009 وحشتيني يا قمر اوي اوي سعيده جدا بكلامك وانك لسه ماشيه على النصايح ولازم تستمري على طووووول الشكر لله يا حبيبة قلبي انا اللي بشكركم لانكم حسستوني بنتيجه تعبي
يا رب الجروب ده كمان يلتزم زيكم علشان نفرح مع بعض بالنتايج زي ما فرحتوني السنه اللي فاتت