كورس للعنايه بالشعر ج1
تمنى انكم تلتزموا بالكورس لان فعلا ده خلاصة خبرة و تجارب
الكورس مش عقد لان التعقيد بيزهق
عايزاكم تلتزموا بجد لان يهمني جدا افادتك والشعور بنتيجه
اول حاجه عايزاكم تعملوها هي تحليل نسبة الهيموجلوبين في الدم ده تحليل بسيط في اي معمل او مستشفى تبارك
علشان تشوفي محتاجه تاخدي حديد ولا لا؟؟
التحليل مهم علشان ضعف الشعر وسقوطه من اهم اسبابه الانيميا اللي هي نقص الهيموجلوبين
مش هنقدر ناخد حديد من غير تحليل ولو عملتيش التحليل وكان عندك انيميا شعرك مش هيتحسن من غير حديد
الشيء التاني هو طريقة التسريح
التسريح بالمشط البلاستيك ممنووووووووع لانه بيعمل كهرباء استاتيكيه مع الشعر وبيؤدي لتقصفه وتكسره
اذن التسريح بمشط خشب لو الشعر ناشف ولو مبلول البلاستيك اوك مفيش مشاكل
نيجي لطريقة التسريح الصح
الشعر لو ملبك المفروض يتسرح من تحت الاول وتطلعي لفوق تدريجيا لانك لو بداتي من فوق ده بيلبك الشعر اكتر وانتي بتسلكيه اكيد هيتشد والشد ده بيخليه يتقصف ويضعف
وولما يتسلك خالص خالص هتقسميه اربع اقسام و هتسرحيه من فوق من الجذور للاطراف كل قسم لوحده حوالي 30 مرة برفق جدا
بكده انتب بتنقلي الزيوت المفيدة جدا اللي بتفرزها فروة الراس وبتوزعيها على الشعر علشان يطرى
وكمان بتحفزي الفروة انها تفرز زيوت اكتر
نيجي لطريقة غسل الشعر :
الطبيعي انك بتدخلي على طول تغسلي شعرك لا مش هينفع
لازم الاول نسرح شعرنا قبل ما نغسله ليه؟
هتنزلي القاذورات منه وهتسلكيه بالتالي عملية تسريحه بعد الغسل هتكون بسيطه ومش هتهلكيه وهو مبلول
لان الشعر بيكون في اضعف حالاته وهو مبلول
غسلتي شعرك طيب هنغسله بايه ؟
شامبو طبي زي بروتي كير او لونا بالبانثينول
المية تكون فاترة اوعي الميه تكون سخنة
وبعد الشامبو بلسم زي بانتين مثلا او اكرينال بس اغلى شوية
لو هتحطي البلسم خلاص متحطيش حمام كريم او ماسك اما لو هتحطي حمام كريم او ماسك متحطيش البلسم في اليوم ده
اللي عنده حمام كريم كويس زي ليه كاريتيه او بوناويل اوكي
غير كده في ماسك حلو اسمه اكرينال من العزبي ب 69 جنيه يستخدم مرة اسبوعيا فقط
وطبعا مدة ترك الماسك او حمام الكريم حسب كل نوع ما مكتوب عليه
هنشطف الشعر بميه فاترة وننشفه بالفوطة بطريقه الضغط مش الشد نسيبه كده عشر دقايق وبعدين نسرحه برفق جدا
ربنا يباركلكم في شعوركم
اتمنى تنفذوا كل الكلام علشان انا فعلا يهمني تستفيدوا واشوف نتايج حلوة
واللي مش هتلتزم بجد هتخسر
ومتقوليش هعرف وبعدين اعمل مش هتعملي
انتي هتعملي دلوقتي معانا مع بعض هنتشجع اكتر
منتظرة مشاركاتكم اللي فيها انكم بداتم التنفيذ واي استفسار انا موجوده هرد على استفساراتكم مجمعه في الحلقه الجايه علشان متتوهوش وانتم بتدوروا على الاجابه واي حلقه جديده هنزلها هحط اللينك في المقدمة علشان تلاقوها بسرعه
يهمني كتتعبوش وتوفروا مجهودكم في التنفيذ وكتابه مشاركة جميله انك نفذتي اول حلقه من موضوعنا
تحليل الهيموجلوبين
التسريح بمشط خشب وبطريقه 30 مرة وطبعا عايزين نسبح ونكبر ونحمد ربنا في خلال 30 مرة دول لكل قسم
واخر حاجه هي الطريقه الصح لغسل الشعر
موضوع: كورس للعنايه بالشعر ج1 
الخميس 14 أبريل 2011, 10:14 am