كورس للشعر

اولا الشامبو الى هتغسلى بيه



انا مش هفرض نوع شامبو اى نوع بترتاحى معاه
هتجبييه وتحطى عليه كيس جيلى بودره
وتقلبييه كويس
والوصفه ده حلوة اووى للشعر فى اللمعان
ومنع التساقط لان الجيلى عباره عن جيلاتين
والجيلاتين ده الى بيستخرج من عظام
البقر يعنى عامل زى النخاغ فى فوايده



تانى حاجه دهان الشعر
وعندك حاجتين وهما الاحسن عن تجربه
الاول غالى شويه بس بيبقعد حوالى سنه
يعنى لو حسبتيها هتلاقييه بيوفر
سيروم زيرو فريز تحفه لشعر
وده صورته وهو بحوالى من 45 جنيه الى 50 مش اكتر

والتانى كريم حلو اووى ورخيص وبجد
احلى من اى نوع غالى وهو مينك واكس
بتاع الشبراويشى بحوالى 6 جنيه
وفى منه انواع انا استخدمت الى بالجرجير

كده يبقى خلصنا الغسيل والدهان

يجى بقى للكورس بتاعنا
هنجيب الزيوت التاليه من عند اى عطار ماركه الحواج او الكابتن

1- زيت الخروع
وده طبعا معروف فوايد للتساقط الشعر وتطويله ومنع التساقط

2- زيت السمسم
وبرده ليه عامل جامد اووى فى تنعيم الشعر وتطويله

3- زيت الثوم
وده بقى الساحر للشعر طول وكثافه ومنع تساقط بشكل رهيب

4 زيت الخردل
معروف انه بيجرى الدورة الدمويه كويس وبالتالى بيوصل الغذاء المناسب لفروة الراس
وبيساعد فى تطويل الشعر

5 زيت الحلبه
برده بيساعد فى تطويل الشعر ومنع تساقطه
وعلى فكره اسعار الزيوت ده تتراوح بين 3 جنيه الى 7 جنيه اغلى زيت
زيت الثوم

اللسيون رووووووتاج
وده ب20 جنيه

نييجى بقى للطريقه
الاول هنخلط الزيوت كلها مع بعض ونضيف عليهم قدهم
من لسيون رووتاج يعنى نعاير
من اى زجاجه بتاعه الزيت علشان يبقى
نفس الكميه ونرجها كويس
وهيبقى عندنا بقيه اللسيون لوحدها
ونكرر العمليه بعد ما يخلص
نييجى بقى للاستعمال
طبعا هنحدد يومين فى الاسبوع
حسب ما تحبى
لو مثلا جوزك بيتاخر برده
يبقى حطييه خلطه الزيوت
الصبح علشان محدش يقول
الريحه وكده
وقبل ما ييجى اغسلى شعرك
حطى خلطه الزيت مع اللسيون الى عملناهم على جدور الشعر
بس ودلكى كويس الشعر
وحطى بونييه بلاستيك
لمده 4 او 5 ساعات حسب وقتك
او البنات الى مش متزوجه
تحطها بالليل وتغسل الصبح
وبعدين اغسلى شعرك بالشامبو مع
الجيلى وادهنى بنقطه سيروم
مع كريم منك واكس

وكل يوم
هنعمل الاتى
يوم هنحط لوسيون روتاج قبل النوم
واستمروا كده
مرتين فى الاسبوع
حمام الزيت
وان شاء الله هتلاحظوا
الفرق مع اول اسبوع



بالنسبه للتساقط والنعومه
ومع اول شهر بالنسبه للطول