الطريقة الصحيحه للحمام المغربى

طريقة الحمام المغربى الاصلية 100%

عن تجربتى الشخصية وبجد والله نتيجة مضمونه وثقة

وكنت خدت الوصفة من بنوتة مغربة بجد ممتاااااااااااااااااااازة


اول حاجة لازم تعرفيها ان سبب نجاح الحمام المغربى ونتيجته تظهر بجدارة

هى ان حاجتك تكون اصلية>>>>>>>>واظبى على الحمام المغربى بجد روعه والله على الاقل مرة فى الاسبوع

واعملى ملح حليب فى نص الاسبوع او مرتين فى الاسبوع
وملح الحليب فية منه انواع كتير انا جربت اللى بالباباى والسادة
فية منه بالزبادى والافندر كمان............دلوقتى بقى انا هقولك على طريقة الحمام المغربى بعمله ازاى

1.. هتشترى ليفة مغربى المهم تكون الاصلى ب20 جنية بجد روعه
2.... صابون مغربى العلبة ب15 وفية ب20 و30
3...كريم جليسوليد الاحمر وتعصرى علية 3 لمونات كبار وعليهم نقطتين ماء ورد وتخلطية لزوم الترطيب
4... شاور جيل دوف او لوكس حلو اللى بالكريمه والخوخ او هيربل او سباركل بالزهور البرية كلهم ريحتهم تجنن

5... حجر خفاف من الصيدليه
6...زيت جونسون للاطفال بالافندر او بودرة معطر فية انشانتر وفية جونسون
هتقفلى كل شبابيك الحمام والباب وتفتحى المية السخنه المولعه لمده ربع ساعه
بحيث الحمام يتملى بخااااااااااار بس مش اوى علشان نفسك بردوا

اغسلى شعرك فى الحوض بشامبو طبى انا كنت بستخدم فاست كير اويلى وفية نيوزرال وفية ريجو حلو او اى شامبو طبى
واعملية حمام زيوت دافى او بلسم او بوناويل حمام كريم وفية فاشكول حلو اوووووووى
لفى شعرك بكيس نايلو و ببونية وبعدين فوطة وممكن الفوطة لا

وسبب انك غسلتية فى الحوض علشان الشامبو وغسيلة بياثر على نتيجة الحمام المغربى والجلد الميت مش بيتشال كله

بعدين انقعى الليفة المغربى فى ماء سخن
اقعدى فى البانيو اللى مليتيه دة او خدى بكباية او تحت الدش ماء ساخن جسمك يستحمله لمده 10 دقاييق اوكش

بعدين اطلعى من البانيو وادعكى جسمك كويس بالصابون المغربى وانتى بردوا متعرضة لبخار الماء الساخن وسيبية ييجى ربع ساعه
بعدين اقفى تحت المية تانى واشطفى جسمك كويس اوى
البسى فى ايدك الليفة وابداى الدعك بحركات دائرية جزء جزء فى جسمك لا براحه اوى ولا جامد علشان ما يجرحكيش

هتلاقى حاجات بيضه بتتشال معاكى مفرولة كدا ما يهمكيش استمرى كل ما يطلع اكتر يبقى تمام
لحد ما نقولك الحمد لله على سلامتك الجلد الميت طلــــــــــــــــــــع
اوعى تزغرطى يا بنت فى الحمام وتلمى علينا الناس
هتقعدى تدعكى بذمه وعزيمة زى الشعب المصرى وبعدين تدعى رجلك على الناشف او بالمية عادى على رجلك لان الليفة مش للرجل
بعدين تقفى تحت المية تشطفى جسمك بالماء عادى
بعدين اشطفى شعرك وبعدين بالشاور جيل والليفه استحمى ويا سيدى على الجمال

خلاص خلصتى نشفى جسمك نص تنشيفة وادهنى زيت جونسون وسيبى جسمك يتشربة هيدى ريحه ووووووااااااااااااوووو ونعومة
ادهنى ركبك وكوعك وايديكى من جليسوليد ولو عندك مكان غامق شوية فى جسمك زى معظم البنات ومشكلتنا العصرية ادهنى من جليسوليد

وخلى زيت جونسون لجسمك بعد الحمام المغربى
والبودة المعطرة او جليسوليد بعد ملح الحليب

بعدين البسى وخلاااااااااااااااص حمام الهنا يا عروسة

وابقى طمنينى عليكى بعد الدش المعتبر دة ولو ما جابشى نتيجة ما تطمننيش علشان ما تفسديش سمعتى المهنيه ههههههههههههههههه