قبل الفرح ب 6 شهور او 3 علي الاقل

الروتين ده قبل الفرح ب 6 شهور او 3 علي الاقل
************************************


اولا بشرتك
**********
ودي اهم حاجه بجد
1_ بشرتك هتبتدي تخليها نضره داخليا قبل خارجيا
يعني من الداخل بالاكل والغذا الصحي قبل الكريمات والميك اب
عاوزه اقولك ان شرب الميه بكثره واكل خضروات وفاكهه
يلمع ويخلي البشره نضره اكتر من 100 كريم تستخدميه
بس برضه لا غني عن ترطيب البشره بكريمات العنايه
وبرضه كريمات العنايه بدون غذا صحي وشرب الميه مش هيفيدك بحاجه
_ _ _ _
هتعملي روتين لنفسك
لازم يكون فيه فاكهه وميه كتير عصائر فرش خضروات
طبق السلطه متستغنيش عنه
وخدي بالك الغذا كده هيكون معاكي عصفورين بحجر
يعني عنايه بشعر وبشره في نفس الوقت
وكمان مفيد ليكي مش هيزود وزنك
_ _ _ _
2_ بشرتك لو فيها حب شباب او حبوب لازم تتابعي مع دكتور متستخدميش
اي وصفه او علاجات من نفسك
ولازم تقللي الاكل اللي بيحتوي علي دهون زي
اللب السوداني الشوكولاته كثره السمن والزبد فالاكل وهكذا
لان كل ده هيزود الحبوب عندك وهيزود افراز الخلايا الدهنيه
_ _ _ _
3_ اعملي بشرتك ماسك تقشير طبيعي كل اسبوع او اسبوعين عالاقل
في مسكات كتير جدا
ممكن ترمس مطحون عليه معلقه عسل
ممكن ارز مطحون وده تحفه بجد
ممكن ماء ورد ونشا
بس اهم حاجه لو بشرتك حساسه بلاش اضافه ليمون لاي وصفه
_ _ _ _
4 _ اول ما تصحي من النوم امسحي وشك كله بميه ورد
وقبل متنامي نفس الحكايه برضه
_ _ _ _
5_ ياريت تتجنبي غسل الوجه بالصابونه خالص
اولا بتجفف البشره جدا وكمان فيها مواد كيمائيه
وبتترك رواسب مضره علي وجهك
ممكن تستخدمي غسول للوجه
جونسون مثلا خفيف وحلو اوي
_ _ _ _
6 _ لو انتي مثلا بره طول اليوم
ووجهك معرض للاتربه والغبار
او الصبح قبل متنزلي
او بليل قبل متنامي
بجانب ميه الورد
ممكن تستخدمي
clean & clear
كل عرايس فتكات اجمع حالا هقدملك هديه
حلو جدا وبينضف الوجه والمسام
واهم حاجه المسام انتي لو غسلتي وجهك بالصابونه جربي
تمسحيه بعدها بقطنه عليها ميه ورد او منظف للوجه
هتلاقي اثار اتربه او مكياج مازالت موجوده
لان الصابونه مش بتزيل الاثار دي هي بتجفف الوجه
وتديكي ايحاء بالنضافه لاكن مش بتنضف
منتجات neutrogena
حلوه جدا كمان
_ _ _ _
7_ لازم تستخدمي كريم مرطب لبشرتك
ومناسب معاها في نفس الوقت
ومن المستحب تستخدمي كريم الليل والنهار حلو جدا
وفي منه ماركات كتير
في نيفيا حلو اوي
وفي اولي
ده بالنسبه لكريمات الليل والنهار
بالنسبه للكريمات الترطيب
انواع كتيره لا تعد اهم حاجه متجبيش الانواع الرخيصه
لازم يكون نوع راقي لان ده وجهك ابتسام جميل
وفي كمان زبده الشيا حلوه جدا
وممكن كمان تجيبي شريط فيتامين e
من الصيدليله وتخرجي محتوي الكبسوله وتضيفيه علي وجهك

_ _ _ _
8 _ ممنوع منعا باتا انك تنامي بالميك اب
لازم تنضفي وجهك تماما
لانك كده بتسدي المسام وبتسيبي اثار الاتربه والغبار والمكياج طول اليوم
علي وجهك وكمان تنامي بيها
هتكونه معرضه لحبوب وحكه وبشره باهته تماما
_ _ _ _
9 _ ملخص البشره
مراجعه الطبيب لو في اي حبوب ملحوظه بالبشره او حب شباب
اهتمام بالتغذيه اولا
شرب الماء بكثره
ماسك سنفره كل اسبوع او اسبوعين
ماء ورد الصبح وبليل
او غسول
كريم ترطيب
او كريم الليل والنهار
ازاله اي اثار مكياج وممنوع النوم بيها نهائي

*****************
كده البشره
لسه الجسم والشعر وكل حاجه عنهم
ها اكمل
قبل ما ابدء بالجسم في جزئيه في البشره مهمه نسيتها
وهي
الهالات السودا
************
جبتلكم شرحها بالتفصيل والوقايه منها ومسكات ليها
اولا تبذه عنها

إن اسفل العينين لا تحتوي على غدد أو دهون فهو عبارة عن طبقة رقيقة جدا من الجلد؛ لذا فإنها أفضل منطقة يمكن أن تعكس لون الدم، لذا فإن اسمرارها يدل على تعكر لون الدم واسودادها الشديد يعني أن الدم محمل بمواد سامة (ثاني أكسيد الكربون)، وهذا ما يفسر ازدياد هذه الهالات عند وجود إمساك؛ نظرا لأن الدم يكون محملا بكمية كبيرة من الغازات السامة الناتجة عن وجود فضلات سامة بالجسم.

وبمجرد التخلص من هذه الفضلات فإن غاز ثاني أكسيد الكربون يختفي من الدم ويحل محله غاز الأكسجين فنجد لون ما تحت العينين يعود طبيعيا، لذا فإنه بزيادة غاز الأكسجين في الدم نجد الطريق الأنسب للتخفيف من هذه الهالات، وأفضل الأطعمة التي تزيد نسبة غاز الأكسجين في الدم هي الأطعمة التي تحتوي على فيتامين سي
كالبرتقال والليمون والجوافة..

والهالات السوداء حول العينين (أو السواد حول العينين ) لها عدة اسباب :-

1- وراثي.
2-انخفاض ضغط الدم.
3- الأنيميا :وذلك لفقد المرأة كمية من دمها كل شهر في دورتها الشهرية، وفي حملها وولادتها تفقد كميات أخرى؛ لذلك فهي الأكثر عرضة لفقر الدم، وذلك إذا لم تنتبه إلى تعويض فاقد عنصر الحديد من خلال الأغذية الغنية به، مثل: الخضر الطازجة، والسبانخ، واللحوم، والكبد، والعسل الأسود، والمكسرات، أو باستعمال أدوية الحديد والفيتامينات.
4- الإجهاد الذهني والعصبي.
5- انخفاض المعدل اليومي للنوم أو اضطراب مواعيد النوم، وفي هذه الحالة ننصح بتنظيم مواعيد النوم، والإقلال من السهر الدائم بلا داع.
6- كثرة التعرض للكيمائيات مثل مستحضرات التجميل
************************
كمادات لتفتيح المناطق الداكنة

1_كمادات من شرائح الخيار الطازج للعينين
وذلك بتغميض العينين ، ووضع شريحة الخيار فوق كل عين بحيث تلامس الجلد المحيط بالعين مع الاسترخاء لمدة 15 دقيقة.
ومن المناسب جداً أن يجرى عمل هذه الكمادات أثناء الاسترخاء في ماء الحمام أثناء عمل حمامات التجميل .
2_كمادات من عصير الخيار المضاف إليه بضع نقاط من عصير الليمون.
3_كمادات شرائح البطاطس ( كبديل لشرائح الخيار ).
4_كمادات عصير النعناع.
5_دهان الهالات الغامقة بخليط مكون من ملعقة صغيرة من زيت اللوز وربع ملعقة صغيرة من عصير النعناع.
6_كمادات شاي دافىء لمدة 10 دقائق تليها كمادات شاي باردة لمدة 5 دقائق.

هالات سوداء تحت العين قبل الحيض أو اثناء الدورة الشهرية :
من الشائع بين الفتيات ظهور الهالات السوداء تحت العينين عند اقتراب موعد الحيض أو اثناء الحيض ، ويرجع سبب ذلك للاجهاد الجسماني والنفسي والذي قد يرتبط بالحيض نفسه إذا كان غزيرآ ومؤلمآ ، كما أن لعضف أو سوء التغدية علاقة بذلك ، ويرجع كذلك ان هذه الهالات ترتبط بالحساسية الجلدية .
علاج الهالات السوداء في هذه الحالة يعتمد على الاهتمام بتناول غذاء صحي غني بالفيتامينات والمعادن ، وكذلك الاهتمام بأخذ قدر كاف من ساعات النوم ، وبتجتب الارهاق الجسدي ، ومحاولة التكيف مع الضغوط النفسية .
ويمكن التخلص من هذه الهلات السوداء بعمل كمادات شاي دافئة لمدة 10 دقائق يليها كمادات شاي باردة لمدة 5 دقائق وذلك مساء كل يوم .

الخلاصة :

السبب الرئيسي لـ الهالات السوداء هو ارتشاح كرات الدم الحمراء في منطقة ما تحت العينين، حيث تتكسر مادة الهيموجلوبين في الأنسجة إلى مادة أخرى تصبغ لون المنطقة فتنتج الهالات السوداء تحت العينين، وهذا ما يحدث في أي منطقة بالجسم.

فمنطقة ما تحت العينين تعكس عادة لون الدم ولو تم شد الجفن من أسفل لمن يعانون من هذه الهالات لوجد به شبكة من الأوردة الدموية.

والعلاج في مثل هذه الحالة يتمثل في أخذ أدوية لتقوية الأوردة وتنشيط الدورة الدموية، وهذه الأدوية تعطي نتيجة فعالة تصل إلى 80% خلال 3 أشهر من الاستخدام، كما ينصح بتجنب السهر والجلوس أمام الشاشات المضيئة لفترات طويلة (تلفزيون- كومبيوتر... إلخ) فلها تأثير سلبي على وجود هذه الهالات
الجزء الثاني
كيفيه التحضير والاعتناء بالجسم لليله العمر ابتسام جميل
*********************
الجسم يا عروسه
1_ لو انتي التزمتي بالغذا اللي شرحته في البشره
هيغذي وينور مش بشرتك بس لا بشرتك وبشره جسمك وشعرك كمان
وشرب الميه كتير اولا هيساعد علي حرق الدهون
وخصوصا الدهون المتراكمه في الارداف والجناب
وكمان هينقي الجسم من الشوائب
ويجعل بشرتك نضره
2_ معظم العرايس تيجي قبل الفرح بشهر او شهرين
توقف السويت للجسم كله
وتقول انا هسيب الشعر كده لحد قبل الفرح بكم يوم
وتنسي بئه جسمها ده خالص
طيب اوكي انسيه
بس متنسيش .....!
3_ متنسيش اعتنائك بيه
هتكلم عن نقطه نقطه
اولا لو فيه بعض الاماكن الداكنه
هتبدئي تنظمي مع نفسك روتين علشان تتفادي النقطه دي
ممكن تتابعي مع دكتور
بس يكون شاطر ومجرب
لان في كريمات تفتيح باهظه التمن ومش بتجيب نتيجه
وفي تركيبه مثلا او وصفه ممكن تجيب نتيجه
يبقي الافضل متروحيش لدكتور الا ويكون مجرب علاجه من صديقاتك اقاربك وهكذا
4_ بالنسبه للاجزاء الداكنه ممكن لو مش هتروحي لدكتور تجيبي عليه كريم جليسوليد
وتضيفي عليه نقطه ليمون
نقطه بس ها ابتسام جميل
وتدمجيهم
وتستخدميهم كل يوم بليل
5_ لو اللون الداكن في الركب مثلا
هتضيفي علي الركبه شرائح بطاطس
6_ لو مزيلات العرق بتسبب ليكي سواد او التهاب لازم تختاري نوع للبشره الحساسه
ممكن نيفيا حلو اوي
واي نوع مزيل عرق يفضل يكون 0 كحول
يعني خالي من الكحول
او ممكن تجيبي المسك تطحنيه اللي هو الابيض
وتضيفي معاه معلقه شبه مطحونه
وعليهم معلقه بودره اطفال جونسون
ونقطتين عطر زيتي ممكن مسك
وتستخدميه كمزيل عرق
7_ ارجوكي بلاش تمسكي الليفه وتقطعي جسمك بيها ابتسام جميل
بتكلم بجد في فتوكات كتير بتسئلني
عندها مثلا سواد فالركبه او الرقبه وهكذا
تفضل تستخدم الليفه لحد ما بيحصل احمرار وللاسف بيقلب في الاخر بالتهاب ثم سواد
يبقي انتي كده بتزودي مش بتقللي اللون الداكن
استخدمي الليفه عادي بس برفق علي جسمك
8 _ طيب كده دي مناقشه الاماكن الداكن وادامك حلين اما دكتور شاطر
او التزامك كل يوم بترطيب جسمك بوصفه خاصه للتفتيح
9_ الجلد الميت في الجسم
انتي لما بتنسي جسمك وتقولي هستني قبل الفرح لما اعمل سويت جسمك بيكون مليان جلد ميت
اوكي برضه سيبي الشعر بس مفيش مانع من عمل ماسك تقشير للجسم كله كل اسبوعين او تلاته عالاقل
هيزيل الجلد الميت وهيفتح البشره
10_ طريقه عمل ماسك تقشير للجسم
اولا هتعملي البانيو ميه سخنه وتخلي الحمام كله يتبخر
ارجوكي خلي ماما تتابعك علشان متدوخيش ولا حاجه بعد الشر
والله لو انتي شايفة كده ماشي
البخار فايدته علشان يفتح المسام كلها
هيكون علي راسك بونيه
هتقعدي شويه في البانيو لحد مالجسم يكون طري والمسام اتفتحت
بعد كده هتبتدي توزعي علي جسمك سنفره
او طمي مغربي او صابون مغربي
وتسبيه شويه
وبعدين تلبسي 2 لوف مغربي في كل ايد واحده
وتبدئي براحه مش جامد اوي
تفركي من علي جسمك الطمي او السنفره
هتلاقيها بتاخد الجلد الميت وتنزل
بس ارجوكي بلاش تفتري علي جسمك علشان ميلتهبش ابتسام جميل
بعد كده امسكي الحجر العادي او الخفاف
واعملي كعوب رجليكي
واغسلي شعرك لو عملاه حمام زيت او كريم مثلا
كده انتي خلصتي صح !
لاء مخلصتيش ضحكت عليكي
والله لو انتي شايفة كده ماشي
لو خرجتي وجسمك فالميه السخنه بقاله ساعه او اكتر مثلا
المسام كلها مفتوحه
هتطلعي فالهواء الطلق كل الغبار والاتربه اللي فالجو هتدخل فالمسام دي
يبقي يا فتوكه تعملي ايه !
تبدئي تبردي الميه شويه
وتفتحيها علي جسمك مش متلجه علشام متبرديش وماما تدعي عليا انا ابتسام جميل
لا بارده شويه علشان المسام تتقفل بس
وياريت طلب
بلاش تخرجي تلبسي بره الحمام
هقولك تعملي ايه
كده انتي خلاص خلصتي الشاور وتقشير جسمك
هتجيبي لوشن للجسم ممكن نيفيا او لوشن فازلين حلوين اوي
او زيت جونسون بس اعتقد لو فالصيف اللوشن افضل من الزيت
وهتدهني جسمك كله بعد متكوني نشفتيه طبعا كويس
وبعدين تنتظري دقايق وتلبسي هدومك
وتخرجي من الحمام
وحمام الهنا يا عروسه ابتسام جميل
ومتنسيش تدهني كعوب رجلك كويس وتلبسي شراب شويه
علشان الكعوب تمتص الكريم وتكون نعمه وطريه وكلها حنيه ابتسام جميل
مهم اوي اللس بقوله ده السنفره اللي كل اسبوعين علي الاقل
انتي بنفسك هتحسي بالفرق في جسمك علي يوم الفرح
11_ كعوب رجلك ارجوكي ميفارقش رجلك ده ابتسام جميل

رد: كل عرايس فتكات اجمع حالا هقدملك هديه

علشان تحافظي علي كعوب رجلك من التشققات وتكون طريه دايما
وخصوصا لما تصحي من النوم غلط جدا من السخونيه تروحي حطه رجلك علي الارض وهي سائعه
او تدخلي الحمام بدونه
بجد كده بتئذي كعوب رجلك
وزي ما قلتلك تدهني رجلك والافضل كل يوم
وتلبسي شراب شويه
12 _ ده شيئ اختياري لو عملتيه هيكون كويس اوي انك كل يوم تدهني جسمك كله بلوشن
هتلاحظي انه بينعم اوي والجلد الميت بيبدء يقل وميتكونش اصلا

لسه فاضل الايد والضوافر وحجات كتيييييييييير
تكمله الجزء الثاني
العنايه بالجسم
*************
13_ الايد

ايدك يا قمر كل يوم لازم ترطبيها بكريم
وومكن تمسكي قطنه وتمسحيها بميه الورد كل يوم
وبعدين تستني شويه وتستخدمي الكريم
14_ الاظافر
رد: كل عرايس فتكات اجمع حالا هقدملك هديه
دي مهمه جدا في مظهرها مش بتكلم عن الاظافر الطويله لانها بتحتوي علي ميكروبات وليها اضرار كتير
سامحوني ابتسام جميل
بتكلم عن مظهر الضوفر نفسه وهو متهذب وشكله صحي
ده قبل العنايه برضه لازم تغذيه
يعني لو في نقص كالسيوم او حديد
هتلاقي الاظافر بتتكسر وباهته
غير الجلد الزائد اللي بيكون فوق الاظافر وده بيئلم جدا علي فكره وبيكون
نتيجه لسوء تغذيتك
يبقي هتهتمي بالتغذيه اولا
ثانيا ممكن كل اسبوع مثلا تعملي خليط عباره عن نقطه ليمون
و10 معالق ميه ورد
و10 معالق جلسرين
ومعلقتين عسل
ونص معلقه فازلين
وتدمجيهم وممكن تعملي ليهم حمام ماء دافي علشان الدمج يكون صح
وحطيهم في علبه كريم فاضيه
وتستخدميهم كل يوم او كل يومين
15_ الكوع والركب
اولا التقشير اللي اتكلمت عنه من شويه اللي للجسم كله
هيفيدك جدا في نقطه خشونه او ازاله الجلد الميت من الكوع والركب
وبرضه كل يوم لازم ترطبيهم كويس جدا

يتبع
الجزء الثالث
العنايه بالشعر قبل ليله العمر
****************
الشعر يا عروسه يا قمر هو زينه المرأه
وهو اللي بيزين شكلك مع اي لبس او ميك اب او حتي بدون ميك اب
بتكلم وانتي في بيتك طبعا ابتسام جميل
جمال الشعر مش في طوله ولا لونه
جماله في صحته ولمعانه
1_ اول حاجه مهمه اوي انك تعتني بشعرك قبل الفرح بمده
يعني تعالجي التساقط لو موجود
ولو فيه شعر مقصف لازم تقصيه
ركزي معايا فالصوره دي
رد: كل عرايس فتكات اجمع حالا هقدملك هديه
شايفه الشعرايه لما تكون مقسومه اتنين كده ده غلط جدا لو سبتيها
لان الانقسام ده بيوصل لحد فوق
وبدل متكون شعرايه واحده صحيه بتنقسم لشعرتين ضعاف بالتالي تتقطم وهو ده التقصيف
يبقي لازم تساوي الاطراف لو محتاجه تتساوي دايما علشان تتفادي النقطه دي
2_ بالنسبه للتساقط لازم التغذيه اولا
يعني لو استخدمتي لسيونات غاليه جدا واغلي فيتامينات بدون تغذيه
مش هتوصلي برضه لاي نتيجه
لازم تركزي علي الاكل الي فيه حديد
الكبده التفاح الموز السبانخ البذنجان البلح قلقاس وهكذا
والاكل الي فيه كالسيوم
منتجات الالبان كلها والبيض
ولازم تشربي ميه كتير
علشان شعرك وبشرتك
كده انتي بتهتمي داخليا
بعد كده ابدئي خارجيا
3_ العنايه خارجيا هتكون بالسيونات وفيتامين مساعد لو عاوزه
ممكن تستخدمي لسيون سورسير للتساقط حلو اوي
وممكن لسيون روتاج وامبولات ايفا
ولو بتحبي الزيوت في لسيون مجموعه زيوت اسمه ماجيك اويل
4_ توقفي اي صبغات او اي فرد علي الاقل قبل الفرح بسنه
مسموح فقط لو بتعملي كورس كيراتين
ممكن تكرريه
ولاكن توقفي الصبغه
لانك بتعالجي شعرك فالوقت ده
5_ لازم تتئكدي ان مفيش انيميا عندك
لان لو في انيميا شعرك هيفضل يتساقط
حتي لو اعتنيتي بيه بالسيونات والزيوت
6_ في ادويه وامراض بتسبب تساقط الشعر
زي الكوليسترول وعلاجه
والغده وعلاجها
وطبعا التدخين
يتبع
تكمله الجزء الثالث
العنايه بالشعر قبل ليله العمر
*********************
اتكلمنا عن التغذيه ودي الاساس
وانك تحافظي علي شعرك وتعتني بيه
وتساوي الاطراف
وتوقفي الفرد والصبغه
طيب تمام نكامل بعض ابتسام جميل
7_ دايما بلاقي العرايس محتارين
اشتري بيبي ليس ولا سشوار قبل الفرح
وياتري ممكن مفردش شعري واعتمد عالسشوار او البيبي ليس فقط
هناقش اول نقطه السشوار ولا البيبي ليس
اولا هما الاتنين لازم تجبيهم لا غني عنهم
الاتنين بيكملو بعض يا قمر ابتسام جميل
وهتحتاجيهم
ودول لينكين موضحه فيهم كل حاجه عن السشوار والبيبي ليس
البيبي ليس
كل اللي يهمك من معلومات عن البيبي ليس وطريقه الاستخدام

السشوار
********
كل اللي يهمك من معلومات عن السشوار وطرق الاستخدام

8_ النقطه التانيه الفرد
عرايس كتير اعتمدت عالسشوار او البيبي ليس في اول الزواج
وكانت النتيجه الشعر اتقصف واتحرق
العروسه بتكون خايفه من الفرد
وتقول السشوار اضمن
لاكن متنسيش انك في اول الزواج هتجتاجي تغسلي شعرك كتير
مش معقول كل متغسليه هتعمليه سشوار او بيبي ليس
ولو حصل بتكون النتيجه سخونيه وغسيل
وتلف للشعر
يبقي من الاول الفرد كان ارحم
طيب تختاري الفرد ازاي ؟
9_ الفرد انواع كتير جدا
منها اللي ممكن يوقع شعرك او يكون قوي
ومنها اللي يفرد كسره شعرك ببساطه ويخلي شكله طبيعي
او ممكن الكيراتين هيعالج شعرك ويحافظ عليه وعلي صحته ولمعانه
والفرد ارحم بكتير من انك تفضلي كل يوم وانتي عروسه تعملي سشوار
كده ارهاق قاسي جدا علي شعرك
10_ لازم تختاري نوع فرد لطيف عالشعر بلاش الانواع القويه
وخصوصا لو هتصبغي الشعر كمان

يتبع
تكمله الجزء الثالث
العنايه بالشعر
*****************
11_ الاستمرار في السشوار والبيبي ليس
بيخلي الشعر مطفي ومقصف بالشكل ده

الافضل قللي استخدامهم
يعني مش دايما وخصوصا لو هتغسلي شعرك كتير
12_ وصفات الشعر
لازم قبل تجربه اي وصفه تكوني عارفه انها هتناسب شعرك
مش اي وصفه تشوفيها تطبقيها ابتسام جميل
ممكن الوصفه دي تكون بتسبب جفاف الشعر وشعرك اصلا يكون جاف
او ممكن وصفه تكون بتخلي الشعر دهني جدا او زيتي جدا
وانتي اصلا شعرك دهني
يبقي برضه بوظتي الدنيا
يبقي المختصر لازم تعرفي ايه المناسب لشعرك
13_ الشامبوهات نفس الحكايه لازم تحددي نوع شعرك وتستخدمي الشامبو الخاص بيه
يعني شعرك عادي تستخدمي شامبو للشعر العادي
شعر جاف يبقي شامبو خاص بالشعر الجاف
شعر دهني يبقي شامبو خاص بالشعر الدهني
ويفضل لو تستخدمي شامبوهات طبيه
او شامبوهات غنيه بالكيراتين
ولو شعرك فيه قشره هتستخدمي شامبو ضد القشره
في نيزورال وفي سلسن بلو
بس خدي بالك شامبوها ت القشره بتنشف الشعر شويه
14_ حمام الكريم والبلسم
الافضل استخدمي حمام الكريم بلاش البلسم
وفي انواع كتير حلوه
في نوع اسمه henna
حلو جدا
وفي كارتيه بس كارتيه العلبه مش الاكياس
الاكياس مش حلوه
وفي انيرجي حلو جدا
وفي بيبوينت بالنخاع حلو اوي
ولما تستخدمي حمام الكريم اتئكدي انك شطفتيه كويس جدا من شعرك
لان اي بقايا بلسم او حمام كريم هتسبب تساقط لشعرك