برنامج مكثف للعناية بالعروسة قبل ليلة العمر

برنامج مكثف للعناية بالعروسة قبل ليلة العمر

اولا للحفر اللى فى الوجه
الوصفه الاولى
هاتى شبه من عندى العطار هاتيها قطعمش مطحونه
تبللى وجهك بقطنه مبلوله ثم تمشى قطعه الشبه على وجهك كله
مره يوميا
الوصفه التانيه
هاتى اسبرين واطحنيه كويس وحتى شويه ميه كى تصبح عجينه
واعمليه كماسك مرتين فى الاسبوع
ولازم تعملى حمام بخار مره فى الاسبوع
وبعد كده تنشفى وجهك بقطنه
وتعملى ماسك سنفره
ملح ولمون وزيت زيتون
او ماسك سنفره بالمشمش اللى انتى تفضليه
وتغسلى وجهك بماء فاتر
ثانيا لنعومه البشره
اولا:
معلقتين زبادى+معلقه عسل+نصف لمونه+شويه ماء ورد
ونخلطيهم ببعض وتحطيهم على وجهك لحد ماينشف الخليط
وبعد كده اغسلى وجهك بماء فاتر
ثانيا:
قطعه خميره +ماء ورد +ونقطه زيت زيتون

اولا علشان منطقه الدقن تفتح
لازم تترطب
يعنى تحطى لها كريمات مرطبه
اولا تعملى حمام البخار
والسنفره وبعدين تنشفى وجهك
وتحطى مرطب
بس انا بفضل زبادى
او عسل نحل كل ماكان الحاجات طبيعيه كل ماكانت احسن
اهم حاجه ماسك السنفره لانه بيشيل الخلايا الميته
ولما تيجى تعملى شنبك بالفتله بعد ماتخلصى اعملى ماسك
بودره تلكمع ماء ورد وبعدين اغسلى وجهك

ثالثا:
الحبوب
اهم حاجه حمام البخار لانه بيفتح المسام
بعدين ماسك السنفره
وبعدين تغسلى وجهك
نيجى للمهم
خياره تضربيها فى الخلاط وبعدين تصفيها وتخدى المياه بتاعتها وبقطنه
وتمسحى وجهك بماء الخيار

</b></i>رابعا:
الحبوب اللى فى الجسم
اولا:
انزلى تحت الدش وبللى جسمك بالماء الدافئ
ادهنى نفصك بالصابونه واتركى الرغاوى عليكى
وسيبيهم على قد ماتقدرى
وخلال الفتره دى اغسلى شعرك واعملى حمام الكريم
وادعكى رجلك بالحجر
وبعدين تغسلى جسمك وبالليفه بقى وادعكى وبعد ماتخلصى اشطفى نفسك
ونشفى جسمك خليه رطب شويه
والسر بقى
ادهنى فازلين على جسمك الرطب
بيخلى الجسم وهم وكمان مابيلزقش فى الملابس وبينعم ويلمع البشره


الماسك الوهمى اللى انا بعمله لنفسى
بجيب 4 ملاعق حنه
+معلقتين كريم سنفره
+ملعقتين زيت زيتون
+شويه ملح خشن
+ملعقتين ماء ورد
+ماء دافى للعجن
واخلطهم مع بعض وادخل الحمام ابلل نفسى بالماء الدافئ
تحت الدش فتره
واخد الخلطه وادعك بيها نفسى
وبعدين اغسل نفسى وانشف جسمى
باسيبه رطب لما بحط فازلين دا لما بيكون المرطب خلصان من عندى
نيجى بقى للشعر

وكتير منا بيعانى من شعره
اولا زم نعرف طبيعه شعرنا هوا اتعود على
وكمان ايه اللى كنا بنعمله لشعرنا وبعدين بطلانه لكثره المشاغل
انا طبيعه شعرى اللى اتعود عليه
انى احطله زيوت عند التصفيف
انا بقى جيبالكوا مفاجات
للشعر الجاف المتساقط المقصف
زيت لوز مر+زيت حبه البركه+زيتون
اولا ادهنى شعرك بالزيوت واتركيه على شعرك المده اللى تقدرى عليها ساعتين فيما فوق
ثم اغسلى شعرك بالشامبووبعدين اعملى البلسم
بس نصيحه البلسلم خليه على شعرك مده
ثم اغسلى شعرك وجففيه تماما وسرحيه زى ما انتى متعوده
ماسك لتفتيح الاماكن الغامقه
زيت لوز مر+نقطتين ليمون+بياض بيضه
اخلطى المكونات وسيبيهم على الاماكن الغامقه لحد مايتشرب
وبعدين اغسلى المنطقه وادهنيها بزيت اللوز
ولو اكتفيتى بزيت اللوز هايجيب مفعول
وكمان ممكن زيت لوز او خروع او زيتون للبشره وممكن تعملى منهم خليط وتدهنى بيه
ماسك سنفره
هاتى رده +شويه سكر خشن او ملح+نقطين ليمون+معلقه زيت(اى نوع للبشره)
واخلطيهم وضعيهم وادعكى براحه للوجه وكمان رائع للجسم
ماسك اخر
هاتى معلقتين حنه +ملعقتين ترمس مطحون+ملعقتين زيت_ملعقتين زبادى
واخلطيهم

صابونه التفتيح
ايفا بزيت الزيتون اكثر من رائعه بتزيل الا ماكن الغمقه
وكمان بتحوش النقط السوداء فى الوجه
هايله عن تجربتى الشخصيه
بس صابونه ايفا دى اللى جربتها بس على فكره طريقتها كالتالى
بترغى الصابونه فى ايدك وبعدين تحطيها على وجهك بعد ماتبليه بالماء
وتغسلى وجهك وتتركى الرغاوى دقيقتين لحد ماتنشف على وجهك وبعدين تروحى غسله وجهك بالماء الفاتر
لو عملتيها مره الصبه ومره بالليل مثلا مش هايعدى يومين الا لما تلاقى نتيجه وبعد ماتغسلى وجهك جففيه كويس
وحطى كريم مرطب لانها بتنشف البشره شويه
بس بمجرد تطى الكريم هتلاقى وشك نااااااااااااااااااااااااااااااااااااعم ماشاء الله
وادعيلى

نيجى للرجلين
فى بنات الشعر فى رجلها كتير وبتبقى مضايقه
وفى بيجى لما الشعر يطلع بيغرس ويطلع نحت الجلد
بصوا بقى انا هاقول واجرى على الله
اولا لما بتعملى رجلك سواء بالسويت اوبالشرائح الشمعيه
بعد مابتنضفى نفسك وقبل ماتغسلى
اعملى ايه بقى
ماسك بودره تللك وماء مورد هايبرد المنطقه وينعمها ويفتحها
وبعدين اغسلى رجلك وحطى زيت زيتون+زيت لوز مر
ادهنى عادى وسيبى رجلك تشربه
اللوز يفتح والزيتون ياخر النمو
نيجى بقى للشعر اللى تحت الجلد
لازم تعملى لرجلك او ذراعك عادى يعنى
ماسك سنفره من اللى انا كتباهم فوق ياملح وزيت ولمون
يامسك الرده
يامسك الحنه
الاظافر
بتتكسر مابتطلعشى شكلها وحش
دا كله منك انتى
اولا زم تاكلى كويس
وخصوصا الاغذيه المليكه بالكالسيوم
وهاقولك على وصفات للاظافر
اولا هاتى لمونه واعصريها وبقطنه وادهنى ضوافى ايدك وسيبيها لما تجف
وكمان
هاتى 4 فصوص ثوم وقشريها وقعيها وحطى كل ضافر فى قطه ثوم واتركيها فتره
هتساعد على تقويه الاظافر
نيجى لمشكله معظمنا
شعرى بيقع شعرى ناشف شعرى مقصف
تعبت من الخلطات ومعنتش قادره كل دا واكتر
انا واحده من الناس كنت كده
انا كنت متعوده من زمان على ان شعرى بحط عليه زيوت
وكمان بعمله حنه وبطلت ومشيت ورا الكوافير
تعالى اعملك صبغه
انا عندى حمام كريم هايل وكلام كتير لما شعرى بقى النص
معلش بطول
لاقيت شعرى من التقصيف ولا كانه محروق وبينزل ولا كانى ست كبيره
اولا
منعت الكوافير دا خالص
ثانيا :ابتديت حنه
بقيت احنى شعرى فوائدها
بتدى لون حلو
تمنع سقوط الشعر
تمنع القشره
تزيل اى التهابات فى الراس
وكمان بتقله
وتقويه طيب ليه بقى نبعد
رحت لعطار عنده زمه
ادالى خلطه زيوت زيت حبه البركه الاصلى زيت لوز مر والصراحه وحطيت الزيوت دى ياختى
عملت حمام زيت غرقت شعرى زيت من عند فروه الراس وبعدين دهنت لحد قبل الاطراف كده بشويه وبعد ماخلصت قولت طيب انا سيبه الاطراف ليه ماامشى ايدى عليها
وسيبت الزيوت على شعرى
والله والله والله شعرى شرب الزيت ولا كانه مطر نزل فى صحرا ونشفت
سيبته على شعرى وماغسلتوش
سيبته 3 ايام وبعدين غسلت شعرى وعملت البلسم و نشفت شعرى وحطيت زيت
مش عاوزه اقولك بقيت اعمل تسريحات الهيشان راح
التقصيف قل
النعومه واللمعان بانوا
مش عاوزه اقولكم مبسوطه اد ايه
يعنى العيب ان شعرى اتعود على الزيوت وانا حرمته منها
طيب ليه
هارجع اعمل اللى كنت بعمله
كل واحده تدور ايه شعرها اتعود عليه وكان حلو وسابته
واهم حاجه تعملوا حمام الزيت اللى قولت عليه
يتم عمل قناع للشعر من الحنة بالحلبة على النحو التالي : - خذي ملعقتين من حبوب الحلبة واغليهما في كأسين من الماء إلى أن يبقى تقريباً كأس واحد بعد الغليان يعجن فيه نصف كأس من الحنة.

أو خذي نصف كأس من الحنة الناعمة مع ملعقتين بودرة حلبة مع كأس ماء بارد، وقومي بعجنها واتركيها لمدة نصف ساعة ، ثم ابدئي بوضعها على جذور الشعر ، ثم ضعيها على كامل الشعر ، ثم مشطي شعرك بيديك حتى يتخلله الحناء ، ثم ارفعي شعرك وضعي الحناء في أسفله ، وبذلك تصل الحناء لجميع شعرك ، ثم ترفع الشعر إلى أعلى الرأس واربطيه لمدة ساعتين حتى تجف الحناء ، ثم اغسليه ، ويفضل تكرار هذا القناع أسبوعياً .
الرموش
بتجيبى زيت زيتون ودفيه
وبعدين تحطيه فى عليه مسكرا فاضيه وتكون نضيفه
وتسرحى رموشك وحواجبك قبل ماتنامى

قناع للبشره لازاله الجلد الميت
1 حبه بطاطس مسلوقه+ملعقه ماعء ورد+ملعقه زيت زيتون+عصير لمونه
واخلطى المكونات وضعيهم على الوجه لحد ماينشف
ثم قومى التدليك الخفيف لازاله الماسك
زى السنفره ثم اشطفى البشره
وضعى كريم مرطب
فى بقى مرهم كريم اسمه لكوسيد ارب 8 جنيه
بيستخدم اسبوع مرتين فى اليوم على بشره نضيفه وتضعيه وماتخرجيش فى الشمس
دا بيقشر البشره
بس مايستعملش على طول هوا لمده اسبوع
بس ولو حسيتى باى احمرار او الم تبطليه على طول انا جربيته وكمان اخواتى
باستخدمه كل ماحس ان بشرتى اسودت
بيرجع بشرتى للون اللى كانت عليه اساسى

ويشيل الطبقه اللى ماتت ويرجعك للونك الطبيعى
وصفه طبيعيه لازاله رائحه العرق
شبه ناعمه+بودره تلك

اهم حاجه قبل الوصفات والحاجات دى
انك تعمليها على بشره نظيفه خاليه من اى جلد ميت
هام جدا تعملى حمام البخار والسنفره مره كل اسبوع
وبعد كده تعملى ماسكاتك زى ما انتى عاوزه
وكمان تبعدى عن الشمس مش تعملى ماسك وبعدين تخرجى للشمس
كانك ماعملتيش حاجه
وفى ماسكات لما بتعمليها وتخرجى بتسمر زى اللى بيبقى فيها لمون
واحسن حاجه لتفتيح البشره الليمون وكمان ماسك النشا معلقه لبن بودره وكمان معلقه عصير خيار وعليه عسل نحل وماء ورد
وزيت اللوز هايل
وكمان تغسلى وشك بصابونه بزيت الزيتون رائعه
وان شاء الله تبقى زى القمر

حطيهم فى علبه وبواسطه بداره او اسفنجه
وحتى بعد ماتطلعى من تحت الشاور جففى نفسك وحطى منها
رائعه
وكمان لما تيجى تخرجى تغسلى تحت الابط ودعى منها
مابتخليش الملابس فى صفار من العرق
لحبوب الابط
لازم اولا النضافه الشخصيه
ممكن الحبوب دى بتطلع لكذا سبب
ممكن بعد السويت
ولو دا السبب يبقى قبل ماتغسلى مكان السويت تعملى ماسك بودره تللك +ماء ورد وممكن تضيفى نقطيتين زيت خروع او زيتون او لوز مر او مخلوط منهم رائع
وممكن تكون الحبوب نتيجه عند ظهور الشعر
ودا تعمليله ماسك سنفره
ملح +زيت زيتون+نقطتين ليمون بتساعد على تقليل الحبوب وظهور الشعر اللى تحت الجلد
او ترجع الحبوب لسبب جلدى فاممكن تستشيرى طبيب
وممكن تعملى ماسك
مرهم مضاد حيوى نوع تكونى بترتاحى عليه
وضيفى نقطينين زيت زيتون او اى نوع

لتفتيح الجسم عن نفسى وتحربه شخصيه
السونا ايوه السونه بتفتح مسامات الجلد وتزيل الجلد الميت
بتعملى سونا وتكونى واخده معاكى اى ماسك سنفره تحبيه
مش شرط طمى مغربى او اى حاجه
ممكن ملح الحليب يوكو سابا او سنفره المشمش
او سنفره الرده او الملح والزيت والليمون
وتدعكى جسمك تدعكى بزمه وضمير
وبعدين تشطفى جسمك وتدهنى زيت لوز مر او زيتون او خل واتفرجى على بياض الجسم ونعومته

لتفتيح الرررررررررررررررررقبه
بياض بيضه+زيت زيتون وزيت لوز مر+جلسرين
+عصير لمونه
وتخلط المكونات ويتعمل ماسك للرقبه
ويترك حتى يجف
نيجى للخطوه المهمه
لما الماسك ينشف ندعكه براحه زى سنفره كده
وبعدين ناخد الشاور
ونشف كويس وندهن بقى زيت لوزمر+زيت زيتون
مرتين فى الاسبوع ماسك
ودهان الزيت يوميا